Білекті бірді жығады, Білімді мыңды жығады!

Нұр-Сұлтан қ., Республика д-лы, 54/2 kazutb_kolledzh@mail.ru +7(7172) 999 840, 999 838

Құттықтаулар


Құрметті қонақтар! Ардақты ата-аналар!
Қадірлі ұстаздар! Қымбатты түлектер!


Бүгінгі шілденің алтын нұрын төгіп тұрған күнінде, еліміздегі алдыңғы қатарлы университеттің ғажайып ғимартының алдында бәріміз тарихи да қуанышты рәсімге жиналып отырмыз.
Осы күндері балаларымыз колледждегі оқуларын жақсыға бітіріп, заманауи мамандықтың иегері деген дипломдарын алып, дәрежелері көтеріліп жатыр.
Бұл киелі құжат біздің түлектердің өміріне сара жол салып береді.
Осы қасиетті құжаттың арқасында олар еңбекке еркін араласа алады, оқуларын жалғастырып, білімдерін тереңдете алады.
Мен өзім қай заманда болсын колледждің студенттері мен түлектеріне зор құрметпен қарайтын адаммын.
Өйткені, олар жастайынан, 9 классты бітіре салып, алтын ұя мектебін қиып, колледжге оқуға барамын деп шешім қабылдап, өз тағдырларын өздері жасауға, мәселелерді шешуге дағдыланады.
Жас өрендердің бұл ісін мен ерлікке балаймын.
Шешім қабылдай алатын жастарға жанұяның, коллективтің, елдің, ұлттың, мемлекеттің болашағын сеніп тапсыруға болады.
Сондықтан, біздер Сіздерге зор үміт артамыз және сол үлкен үмітімізді ақтайды деп сенім білдіреміз.
Қазір осы пайымымды дамыта отырып, мен колледж Директоры ретінде Сіздерге колледждің студенттері ретінде ақырғы тапсырмамды берейін деп тұрмын, сосын Сіздерге колледждің түлектері ретінде бірінші өтінішімді айтайын деп тұрмын.
Бұл тапсырма-өтініш бойынша барлықтарыңызды, бір кісідей, Сіздер мен біздердің төл әрі төр универіміз Қазақ технология және бизнес университетіне оқуға түсуге шақырамын.
Маған сенсеңіздер, біздің универіміз қазіргі таңдағы әлемде ең керім универлердің қатарына жатады.
Қараңыздаршы, қандай керемет ғимаратымыз, қандай керемет ұстаздарымыз, қандай керемет проректорларымыз, қандай керемет Ректорымыз бар!
Бұл универге Сіздер ақылы оқуға емтихансыз түсе аласыздар, бұл жерде Сіздерге 1 курста оқу ақысы бойынша 20-25 пайыз жеңілдік беріледі, басқа курстарда жақсы оқығандарға және қоғамдық белсенділер мен спортсмендерге көптеген жеңілдіктер беріледі, бұл универде өзінің жатақханасы мен спортзалы бар, бұл жерде Сіздер қашықтықтан оқып білім ала аласыздар, бұл жерде Сіздер оқу оқып жүріп еңбекке де араласа аласыздар, бұл жерде Сіздер қоғамдық жұмыспен және спортпен еркін айналыса аласыздар, бұл универде Сіздерге бірнеше диплом алып шығуға жағыдай жасалған, бұл жерде Сіздердің дипломдарыңызға қосымша Польшалық, Болгариялық, Түркиялық және басқа да шетелдік универлердің дипломын алып шығуға мүмкіндіктер жасалған, бұл универде магистратура және доктарантура бар, бұл универ Сіздерге оқуды бітіргеннен кейін жұмысқа орналасуға көмектеседі.
Қадірлі түлектер!
Аталған жеңілдіктерге біздің коллективтер Ректорымыз бас болып жүріп заңды түрде қол жеткіздік.
Енді сол жетістіктердің жемісін Сіздер жесін деген ниеттеміз.
Мұның бәрін Ректорға жағымпазданайын деп айтып тұрған жоқпын, бұның бәрін Сіздердің болашақтарыңызды ойлағаннан соң айтып тұрмын.
Өйткені, өздеріңіз көріп отырсыздар, қоғамдағы процесстер күнде өзгеріп жатыр.
Аталмыш мүмкіндіктер келесі жылы болмай қалуы ықтимал, сондықтан, Қазақ Бабам айтқандай «темірді қызған кезінде соғып», биыл Қазақ технология және бизнес университетіне оқуға түсіп алыңыздар.
Келесі жылы қарайып қаласыздар, еңбекке аралассаңыздар жұмыс басты боласыздар, үйленсеңіздер жанұялық мәселелер көбейеді, сөйтіп уақытты өткізіп аласыздар.
Қымбатты түлектер!
Сіздерге ақ жол тілей отырып, колледждеріңізді ұмытпаңыздар дегім келеді.
Биыл колледж түлектерінің қауымдастығын құрамыз, соған мүше болыңыздар.
Колледжге келіп тұрыңыздар, біздің есігіміз Сіздерге әрқашан ашық, Сіздерге қолдан келген көмектің бәрін жасаймыз.
Дендеріңізге саулық, бастарыңызға бақ тілейміз, амандықта, жақсылықта жолығайық!
Құрметті халайық!
Сөз соңында барлықтарыңызды бүгінгі даталы күнмен, ал түлектерімізді дипломдарымен құттықтаймын!
Бұл ресімей куәліктер балаларымызға құтты береке, мерейлі бедел әкелсін!
Көңіл қойып тыңдағандарыңызға алғысымды білдіремін!


Нұр-Сұлтан қаласы.
2019 жылғы 05 шілде.

Құрметті студенттер, ардақты ата-аналар, қымбатты колледждің қызметкерлері, қадірлі отандастар!

Сіздерді Қазақстан Республикасында 9 мамыр күні атап өтілетін мемлекеттік мереке «Жеңіс күнімен» құттықтаймын!

Қазақстан халқы бағзы заманнан-ақ өте бейбітшіл болған.

Біздің ел өзі бірінші болып ешкімге соғыс ашпаған.

Міне, сондықтан да Ұлы Отан соғысының Жеңіс Туын тігіп, бүкіл дүниені ораған ажал өртін тоқтатқан батырдың қазақ ұланы Рақымжан ҚОШҚАРБАЕВ болғанының да символдық мән-мағынасы бар!

Батыр бабаларымыз бен апаларымыз бұл Ұлы Жеңісті қан мен терін төгіп жүріп әкелді.

Осы сұрапыл соғысқа қатысқан қазақстандықтардың көпшілігі бейбітшілік жолында жанқиярлықпен қаза болды.

Сол қаһармандардың аруағы Сіздерді қорғап-қоршап, желеп-жебеп жүрсін, ерліктері терең білім алуға, нәтижелі еңбек етуге рухтандырсын!

Жер жүзіндегі ұрыс-шайқастар тоқтатылсын, сосын ешқашан соғыс болмасын, әлем аман, ғалам тыныш болсын!

Колледж Директоры Б. Кенішбаев

Нұр-Сұлтан қаласы
2019 жылғы 09 мамыр

Құрметті ер азаматтар, қадірлі студент жігіттер!

Сіздерді Қазақстан Республикасында 7 мамыр күні атап өтілетін мемлекеттік мереке «Отан қорғаушы күнімен» құттықтаймыз!

Халқымызда «Ер елінің қорғаны!» деген аталы сөз бар.

Мемлекетіміздің қауіпсіздігіне және халқымыздың бейбіт өміріне еліміздің қорғаныс күштері кепіл болады.

Отанға адал, адамзатқа қайырымды, табиғатқа мейірімді, Қабанбайдай батыр, Қозы Көрпештей көрікті, Төлегендей сүйікті болыңыздар.

Жанұяларыңызға амандық, Сіздерге табысты еңбек, жақсы оқу, зор денсаулық, мол бақыт, ұзақ ғұмыр тілейміз.

Игі де ізгі ниетпен колледждің әйел қауымы және студент қыздары.

Нұр-Сұлтан қаласы
2019 жылғы 06 мамыр

Құрметті студенттерімізді, ардақты ата-аналарымызды, қымбатты колледждің қызметкерлерін, барлық отандастарымызды Қазақстан Республикасында 1 мамыр күні атап өтілетін Қазақстан халқының бірлігі мемлекеттік мерекесімен құттықтаймын!

Бұл атаулы күн адамзатты, әр азаматты ынтымақты болуға шақыратын аса ұлағатты, тәрбиелік мәні терең, саяси маңызы зор мейрам.

«Бірлік бар жерде тірлік бар!» дейді дана халқымыз. Ел бірлігі жарасып, жұрт тірлігі дами берсін!

Әр отбасындағы бірліктің беріктеле түсуіне, әр жанұядағы ынтымақтың мықтала түсуіне тілектеспін!

Баршаңызға зор денсаулық, баянды бақыт, терең білім, жемісті еңбек, қадірлі зейнет, ұзақ ғұмыр, мәңгілік ұрпақ тілеймін!

Әлем аман, ғалам тыныш болсын!

Игі де ізгі ниетпен жолдаған құттықтауымды қабыл алыңыздар.

Нұр-Сұлтан қаласы
2019 жылғы 30 сәуір



«Қазақ технология және бизнес университеті» АҚ колледжінде математика, химия, казақ тілі және Қазақстан тарихы пәндері бойынша Нұр-Сұлтан қаласы мектептерінің 9-шы сынып оқушылары арасында 2019 жылы 17 сәуірде өткен қалалық олимпиадада жүлделі орын алған оқушыларды құттықтаймыз.

Математика пәні бойынша:

1-орын

  • 1. Юнусова Фариза - 57 мектеп-лицей
  • 2. Қиақпай Мақсат - 57 мектеп-лицей

2-орын

  • 1. Зейнулла Ұлжан - 57 мектеп-лицей
  • 2. Ерланұлы Нұржан - 57 мектеп-лицей
  • 3. Мауленова Мөлдір – 57 мектеп-лицей

3-орын

  • 1. Жұмабекова Алия - 57 мектеп-лицей
  • 2. Досымжан Аслан – 38 мектеп-лицей
  • 3. Зейнебаев Ерасыл – 76 мектеп-лицей
  • 4. Жеңіс Айданақ - 78 мектеп-гимназия
  • 5. Дәуренқызы Айдана – 76 мектеп-лицей
  • 6. Байчеркешова Аделя – 76 мектеп-лицей


Химия пәні бойынша:

1-орын

  • 1. Каиркенов Фархат – 20 орта мектеп

2-орын

  • 1. Ақылбек Аружан – 67 мектеп-гимназия
  • 2. Құмарова Сезім – 57 мектеп-лицей

3-орын

  • 1. Серіков Азамат – 3 мектеп-гимназия
  • 2. Балтабаева Жансая – 70 мектеп-лицей


Қазақ тілі бойынша:

1-орын

  • 1. Айтбаева Ақнұр – 58 мектеп-гимназия

2-орын

  • 1. Уахитова Сымбат – 58 мектеп-гимназия



Қазақстан тарихы бойынша:

1-орын

  • 1. Серікқалиев Ерасыл – 70 мектеп-лицей
  • 2. Саметова Мөлдір – 76 мектеп-лицей
  • 3. Досанова Дильназ – 54 мектеп-лицей

2-орын

  • 1. Жеңіс Жұпар – 76 мектеп-лицей
  • 2. Әуезханова Жарқынай – 76 мектеп-лицей
  • 3. Қалмырза Бекасыл – 70 мектеп-лицей
  • 4. Мырзахметова Аяна – 67 мектеп-гимназия
  • 5. Әлтайбек Гауһар – 67 мектеп-гимназия
  • 6. Жаппасбай Арман – 57 орта мектеп
  • 7. Серікқалиева Анель – 55 орта мектеп
  • 8. Ахмет Шұғыла – 54 мектеп-лицей

3-орын

  • 1. Шынали Сабыржан – 78 мектеп-гимназия
  • 2. Уланова Шамшат – 78 мектеп-гимназия
  • 3. Адасхан Ақтамберді – 55 орта мектеп
  • 4. Жусупова Қарлығаш – 3 мектеп-гимназия




Құрметті студенттерімізді, ардақты ата-аналарымызды, қымбатты колледждің қызметкерлерін, барлық отандастарымызды, барша адамзатты Қазақстан Республикасында 21-23 наурыз күндері атап өтілетін мемлекеттік мереке – Наурыз мейрамымен және осы дәрежелі де мәртебелі мерекеден және бүкіл дүниені жаңартатын Ұлыстың Ұлы Күні басталатын табиғи-қазақи Жаңа Жылмен құттықтаймын!

Ұлтымыздың осы төл мерекесі, халқымыздың бұл қасиетті мейрамы киелі наурыз айында Сіздердің отбасыларыңызға науалатып рыздығын құйып, шаңырақтарыңыздағы құт-берекені көбейте берсін, жанұяларыңыздағы ынтымақ-бірлікті нығайта түссін!

Сіздерге зор денсаулық, баянды бақыт, терең білім, жемісті еңбек, қадірлі зейнет, ұзақ ғұмыр, мәңгілік ұрпақ тілеймін!

Әлем аман, ғалам тыныш болсын!

Игі де ізгі ниетпен жолдаған құттықтауымды қабыл алыңыздар.



Астана қаласы
2019 жылғы 20 наурыз





Қазақстан Республикасында 8 наурыз күні атап өтілетін мемлекеттік мереке – Халықаралық әйелдер күніне орай колледжіміздің құрметті әйелдер қауымын және қадірлі студент қыздарын рыздығы науалаған көктемнің алғашқы мейрамымен құттықтаймыз!

Сіздерге зор денсаулық, баянды бақыт, жемісті еңбек, терең білім, ұзақ ғұмыр тілейміз!

Қасиетті аналар мен апайлар, ардақты қарындастар мен қыздар Сіздердің жанұяларыңыздағы құт пен берекені, ынтымақ пен бірлікті осы наулы да рыздықты, киелі наурыз айындағы нұрлы да сәулелі, жарқын да шуақты мереке көбейтіп, молайта берсін!

Игі де ізгі ниетпен колледждің ер-азаматтары және студент жігіттері.

Астана қаласы
2019 жылғы 7 наурыз



Посмотреть на карте Астаны